Astana jastary Elbasynyń Joldaýyn talqylady
ASTANA. QazAqparat - Astanadaǵy joǵary oqý oryndarynyń stýdentteri Prezıdent Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty el halqyna arnaǵan Joldaýyn talqylady.
Jastardyń dóńgelek ústel otyrysy L.Gýmılev atyndaǵy Eýrazııa ulttyq ýnıversıtetinde ótti, uıymdastyrýshy - «Qazaqstan stýdentteriniń Alıansy» Respýblıkalyq stýdenttik qozǵalysy Astana qalalyq shtaby.
«El táýelsizdiginiń kókjıeginde Elbasy stýdent jastardyń damýyna úlken qoldaý kórsetken bolatyn. Atap aıtqanda, álemde teńdesi joq «Bolashaq» baǵdarlamasy jastarǵa memleket qarajatyna shet elderde bilim alýǵa múmkindik berdi. Daryndy oqýshylarǵa arnalǵan «Nazarbaev Zııatkerlik mektepteri» básekege qabiletti tulǵalardy daıyndaýǵa yqpal etti», - dep atap ótti «Qazaqstan stýdentteriniń Alıansy» Respýblıkalyq stýdenttik qozǵalysy Astana qalalyq shtabynyń kóshbasshysy І. Tústikbaev.
Elbasy Joldaýynyń mańyzdylyǵyn kótergen elordanyń belsendi jastary men stýdentteri óz oılaryn ortaǵa saldy.
