Astana jastary arasynda «Biz saılaýǵa baramyz, biz saılaýǵa qatysamyz!» atty kross bolyp ótti
ANA. 31 naýryz. QazAqparat /Jasulan Amanbaıuly/ - Búgin Astananyń stýdent jastary «Biz saılaýǵa baramyz, biz saılaýǵa qatysamyz!» degen atpen uıymdastyrylǵan krossqa qatysty.
Astana qalasy stýdenttik qurylys jáne «Jasyl el» jastar eńbek jasaqtary shtabynyń basshysy Rahat Hamıdýllınniń aıtýynsha, atalmysh shara eldegi jastardyń saılaýdaǵy belsendilikterin arttyrýǵa, óz daýystarymen saıası sheshim qabyldaýǵa, ózderiniń Konstıtýtsııalyq erigin bildirýge atsalysýǵa shaqyrý.
«Aǵymdaǵy jyldyń naýryz aıynda Aqtóbe qalasynda jastardyń respýblıkalyq forýmy ótken bolatyn. Bul forýmda Qazaqstannyń barlyq óńirlerinen eń belsendi jastar jınalǵan. Osyǵan oraı jastar tarapynan saılaý qarsańynda kólemdi qoǵamdyq is-shara uıymdastyrý usynysy aıtyldy»,-dedi ol.
R.Hamıdýllınniń aıtýynsha, búgingi tańda Qazaqstannyń barlyq aımaqtarynda osyndaı krosstar bolyp jatyr.
«Jastar - Qazaqstannyń bolashaǵy. Al bizdiń bolashaǵymyz búgin sheshiledi. Biz, jastar - turaqty, damyǵan el úshin»,-dedi ol.
Elordadaǵy sharaǵa birqatar kolledjder men lıtseılerdiń tálimgerleri qatysty.
