Astana jastary 450 túp aǵash otyrǵyzdy
ASTANA. QazAqparat - Astana qalasynyń Jastar saıasaty máseleleri basqarmasynyń qyzmetkerleri Saryarqa aýdynyń ákimdigimen jáne «Jas Otan» JQ birlese,450 túp aǵash otyrǵyzdy, dep habarlaıdy qala ákimdiginiń saıty .
«Gúldene ber, Týǵan el!» aktsııasyna 100-den astam adam atsalysty. Shara barysynda 150 aq qaıyń, 150 qaraǵaı jáne 150 terek otyrǵyzyldy.
Aktsııa aıasynda senbilikter turaqty túrde ótkiziletin bolady. Shara aýmaqtardy tazalap, kórkeıtýge, ashyq aýlalyq sport alańdaryn salyp, kóriktendirýge, aǵash otyrǵyzyp, jas kóshetterdi kútýge, jol boıyndaǵy ınfraqurylymdy abattandyrýǵa, ózen alqaptaryn tazartýǵa, ardagerler, zeınetkerler, áleýmettik turǵydan álsiz toptar men múmkindigi shekteýli adamdardyń úıleri men sharýashylyqtaryn kórkeıtýge járdemdesýge jáne t.b. baǵyttalǵan.
Sharanyń basty maqsaty - jas urpaqty patrıotızm jáne eńbekti qadirleý baǵytynda tárbıeleý, ekologııalyq mádenıetti qalyptastyrý jáne de Otanǵa súıispenshilik negizinde azamattyq sana-sezimdi damytý.
