Astana jastardyń júregine bolashaqqa degen senim uıalatady - EUÝ stýdenti
ASTANA. QazAqparat - Qazaqstannyń jas elordasy - Astana búgingi jastarǵa bolashaqqa degen senimdilik uıalatyp, úmitterin úkileı túsedi. Mundaı oıdy L.Gýmılev atyndaǵy Eýrazııa ulttyq ýnıversıtetiniń ekinshi kýrs stýdenti Erlan Omar aıtty.
«Oqýǵa túser aldynda men qaıda baratynymdy oılap esh qınalǵan joqpyn. Óıtkeni ózimniń týǵan qalam Astanada qalatynyma nyq senimdi boldym. Men úshin bul jaı ǵana elorda emes, bul qala men úshin ystyq uıam, bolashaǵymdy baılanystyratyn qutty mekenim. Sondyqtan men osy qalada bilim alyp, bilikti maman bolǵan soń Astana men elimizdiń ıgiligi úshin eńbek etkim keledi», - deıdi E.Omar.
Stýdent Astana turǵyndary men barsha qazaqstandyqtardy elorda kúnimen quttyqtaı kele, jarqyn bolashaq tileıtinin jetkizdi.
