Astana jastardy «Shabytqa» shaqyrady
ASTANA. 7 qazan. QazAqparat - Daryndy jastardyń «Shabyt» halyqaralyq XV festıvali Astana qalasynda 3 qarashadan bastap 8 qarashaǵa deıin ótkiziledi.
Astana ákimdiginiń málimetinshe, bul jyly festıval «Klassıkalyq mýzyka», «Jýrnalıstıka», «Beıneleý óneri», «Halyq mýzykasy», «Tsırk óneri», «Balettiń jas ártisteri baıqaýy» jáne «Úzdik ádebı shyǵarma» nomınatsııalary boıynsha jeńimpazdardy anyqtaıdy.
Shyǵarmashyl jastarǵa beriletin basty syı - Qazaqstan Respýblıkasy Prezıdentiniń kýbogy bolmaq. Sonymen qatar, Gran-prı, «Laýreat» ataǵy berile otyryp 1, 2, 3 dárejeli syılyqtar, «Shabyt» medali, ústel ústinde turatyn «Shabyt» medali, ataýly dıplomdar men Qazaqstannyń kórnekti mádenıet jáne óner qaıtarkerleri atyndaǵy syılyqtar usynylady. Kelesheginen úmit kúttiretin jastarǵa «Dıplomant» ataǵy kórsetilgen dıplomdar, festıvalǵa belsene qatysqany úshin marapat qaǵazdary men jekelegen nomınatsııalar boıynsha arnaıy dıplomdar men syılyqtar beriledi.
Uıymdastyrý komıtetiniń habarlaýynsha, festıvalǵa qatysýǵa nıet bildirgen jastardyń ótinishterin qabyldaý áli de jalǵasýda.
