«Astana» jankúıerleri avtomobıl utyp alý múmkindigin alady
ASTANA. QazAqparat - 25 qarashada «Astana» jáne «Benefık» (Lıssabon, Portýgalııa) fýtbol klýbtarynyń arasynda ÝEFA Chempıondar lıgasynyń toptyq jarysynyń matchy ótedi.
Matchtyń uıymdastyrýshysy - «Astana» prezıdenttik kásibı sport klýby jankúıerlerge klýbqa qyzyǵýshylyq tanytyp, qoldaý kórsetkeni úshin úlken rızashylyǵyn bildirmek. ıAǵnı, stadıonǵa kelgen fýtbol jankúıerleri birden birneshe baǵaly syılyqtardy utyp alý múmkindigin alady. Olardyń arasynda: Sony PlayStation oıyn prıstavkalary, 8 jeltoqsanda Ystambulda ótetin «Galatasaraı»-«Astana» matchyna joldamalar, Chempıondar Lıgasynyń fınalyna bıletter jáne bas júlde - avtomobıl bar.
Júldelerdi oınatý match aıaqtalǵan soń ótedi. Oǵan qatysý úshin stadıonnyń kireberisinde lotereıa barabanyna bılettiń jyrtylmaly bóligin jiberý kerek. Oınatylatyn júldelerdiń ıeleri matchtan keıin belgili bolady.
Bul - 25 qarashada stadıonǵa kelip, Chempıondar Lıgasynyń matchyna qatysý, súıikti komandaǵa qoldaý kórsetý úshin tamasha yntalandyrý!
