«Astana» jáne «Tobyl» Konferentsııa lıgasy toptyq satysyna shyǵa ala ma
ASTANA. QazAqparat – Qazaqstandyq «Astana» jáne «Tobyl» komandalary búgin fýtboldan Konferentsııa lıgasy pleı-off satysynda qarymta oıynyn ótkizedi, dep habarlaıdy QazAqparat tilshisi.
Elordalyq «Astana» syrt alańda Albanııanyń «Partızanı» komandasymen oınaıdy.
Oıyn elorda ýaqytymen 23.50-de «Qazaqstan» telearnasynan tikeleı efırde kórsetiledi.
Alǵashqy kezdesýde qazaqstandyq komanda qarsylasynan 1:0 esebimen basym tústi.
Bas tóreshi – túrkııalyq Abdýlkarım Bıtıgen. Oǵan otandastary Djeıhýn Sesıgıýzel men Mustafa Savranlar kómekshilik jasaıdy. Qosalqy tóreshi de sol eldiń ókili – Bahattın Sımsek.
«Astana» aldymen Chempıondar lıgasynda Grýzııanyń «Dınamo Tbılısı» klýbynan (1:2, 1:1) aılasyn asyrsa, odan keıin Horvatııanyń «Dınamo Zagreb» komandasyna (0:4, 0:2) ese jiberdi.
Al Eýropa lıgasynda Bolgarııanyń «Lýdogorets» klýbyna (2:1, 1:5) ese jiberdi.
Al Qostanaıdyń «Tobyly» syrt alańda Chehııanyń «Vıktorııa Plzen» komandasymen sheberlik baıqasady.
Birinshi oıynda qostanaılyq komanda qarsylasyna 1:2 esebimen jol berdi.
Kezdesýge slovenııalyq tóreshiler brıgadasy qazylyq jasaıdy. Alańda Mateı ıÝg tóreshi bolsa, oǵan otandastary
Bas tóreshi – túrkııalyq Abdýlkarım Bıtıgen. Oǵan Mateı Jýnıch pen Manýel Vıdalı kómekshilik jasasa, qosalqy tóreshi mindetin sol eldiń ókili Davıd Smaıts atqarady.
Oıyn elorda ýaqytymen 00.00-de «Qazsport» telearnasynan tikeleı efırde kórsetiledi.
Aıta ketsek, Konferentsııa lıgasynyń alǵashqy úsh irikteý satysynda qostanaılyq klýb Fınlıandııanyń «Honka» (0:0, 2:1), Shveıtsarııanyń «Bazel» (3:1, 1:2), Soltústik Irlandııanyń «Derrı Sıtı» (2:1, 0:1) klýbtaryn qapy qaldyrdy.
