Astana jáne Shymkentte turǵyn úı qurylysyna negizdelgen jańa ilki joba iske qosylady
ASTANA. 3 qazan. QazAqparat /Rýslan Ǵabbasov/ - Búgin Ekonomıkany jańǵyrtý boıynsha memlekettik komıssııanyń otyrysynda elimizdegi turǵyn úı qurylysyn damytýdyń jańa baǵdarlamasy tanystyryldy.
Ekonomıkalyq damý jáne saýda vıtse-mınıstri Qýandyq Bıshimbavtyń sózine qaraǵanda, statıstıka málimetteri boıynsha turǵyn úı qurylysyna baǵyttalǵan ınvestıtsııalar 37 paıyzǵa tómendegen kórinedi. Osyǵan baılanysty turǵyn úı jetispeýshiligi oryn alyp, baǵa ósimi baıqalýda. Bıylǵy jyldyń alǵashqy jartysynda óńirler boıynsha baǵa 20-25 paıyzǵa joǵarylady.
Q. Bıshimbaev turǵyn úıdiń bastapqy naryǵynda (jańa úıler) usynystar joq, al ekinshi naryqtaǵy úıler alyp-satarlyq saýdaǵa aınalyp otyr. «Osyǵan baılanysty baǵdarlama jobasy ázirlendi. Alaıda, bul baǵdarlamany Qazaqstan óńirleri aıasynda tekserip kórý úshin biz 2011-2012 jyldary birqatar ilki jobalardy iske asyrýdy usynamyz»,-dedi vıtse-mınıstr.
Atap aıtqanda joba aıasynda turǵyn úıdi satý birneshe keste boıynsha qarastyrylyp otyr. ıAǵnı, onda jalǵa alý, jalǵa berip keıinnen satý, tikeleı satý, sondaı-aq «Turǵynúıqurylysjınaqbanki» AQ arqyly qunyn bólip-bólip satyp alý sharalary eskerildi.
Bul baǵdarlamamen tanysqannan keıin Úkimet basshysy Kárim Másimov ony ilki joba rejıminde Astana jáne Shymkent qalalarynda iske qosý kerek ekenin aıtyp ótti. «Menińshe, ol baǵdarlama bolýǵa áli de tolyq jetilmegen. Sondyqtan ony ilki joba retinde bekiteıik. Osy oraıda jobany elorda retinde Astanada jáne óńirler arasynan Shymkentte iske asyrýdy usynamyn»,-dedi Premer-Mınıstr. K. Másimovtiń paıymdaýynsha, alǵashqy kezde atalǵan aımaqtarda jınaqtalǵan tájirıbeden keıin ony óńirlerde iske qosý úshin baǵdarlama turǵysynda qarastyrylatyn bolady.
