Astana jáne OQO TJD komandalary órt-qutqarý sporty boıynsha QR chempıonatynyń jeńimpazdary atandy (FOTO)
QARAǴANDY. QazAqparat - Qaraǵandy qalasyndaǵy «Shahter» stadıonynda órt-qutqarý sporty boıynsha erler arasyndaǵy XXIII jáne áıelder arasyndaǵy ІІІ jazǵy QR chempıonaty aıaqtaldy.
Halyqaralyq sanattaǵy 4 tóreshi, ulttyq sanattaǵy 2 tóreshi jáne órt sóndirý-qutqarý sporty boıynsha 28 tóreshiden quralǵan brıgada eń myqty komandalardy anyqtady, dep habarlady Qaraǵandy oblysy TJD memlekettik til jáne aqparat bólimi.
Chempıonattyń bas tóreshisi, QR «Órt sóndirýshi jáne qutqarýshylardyń sporttyq federatsııasy» qoǵamdyq birlestiginiń atqarýshy komıtet dırektory D.Danaev, ІІM TJ Komıteti órt sóndirý qyzmeti jumystaryn basqarmasynyń basshysy A.Qudaıbergenov jáne Qaraǵandy oblysy TJ departamenti basshysy I.Qulshymbaev chempıonat kezeńderinde úzdik nátıje kórsetken komandalarǵa júlde tabystady.
Astana qalasynyń TJ depatamenti komandasy órt-qutqarý sporty boıynsha erler arasyndaǵy QR XXIII jazǵy chempıonatynyń jeńimpazy atandy. Ekinshi oryn Almaty oblysy TJD quramasyna berildi. Úshinshi orynǵa Aqmola oblysy TJD komandasy ıe boldy.
Áıelder arasyndaǵy órt-qutqarý sporty boıynsha QR ІІІ jazǵy chempıonatynda OQO TJD quramasy jeńiske jetti. Ekinshi oryndy Astana qalasy TJD komandasy ıelendi. Jáne ShQO TJD komandasy úshtik qataryna endi.
«Úlken sport merekesi ótti. Sportshylarǵa ádil, ádemi oıyn úshin, jańa rekordtar úshin, al bapkerlerge - chempıondar men júldegerler úshin, jankúıerlerge jáne uıymdastyrýshylarǵa úlken alǵys aıtamyn», - dedi bas tóreshi Dáýren Danaev saltanatty jabylý sharasy aıaqtalǵan soń.
Órt-qutqarý sporty boıynsha erler arasyndaǵy XXIII jáne áıelder arasyndaǵy ІІІ jazǵy QR chempıonatyn joǵary kásibı deńgeıde uıymdastyrǵany úshin Qaraǵandy oblysy TJ departamenti basshysy, azamattyq qorǵaý polkovnıgi I.Qulshymbaevqa, oblystyq TJ departamenti basshysynyń orynbasary, azamattyq qorǵaý polkovnıgi V.Magamadovqa, oblystyq TJD órt sóndirý jáne apatty qutqarý qyzmeti basshysynyń mindetin atqarýshy, azamattyq qorǵaý polkovnıgi I.Komarovqa, oblystyq TJ departamenti órt qaýipsizdigi qyzmetin baqylaý jáne aldyn alý qyzmeti basqarmasynyń basshysy, azamattyq qorǵaý maıory S.Kovalenkoǵa jáne oblystyq TJ departamenti órt sóndirý jáne apatty qutqarý qyzmetiniń bas mamany, azamattyq qorǵaý kapıtany S.Qabajanovqa QR Іshki ister mınıstriniń orynbasary ıÝrıı Ilınniń Alǵys hattary berildi.
Odan bólek, órt-qutqarý sporty boıynsha chempıonatyn ótkizýge kómektesken «Órt sóndirýshi» AQ fılıalynyń dırektory E.Býshmanov Qaraǵandy oblysy TJ departamenti basshysynyń Alǵys hatymen marapattaldy.
