Astana men Qazaqstannyń 13 oblysynda aýa raıyna baılanysty eskertý jarııalandy

Sınoptıkter Astana jáne elimizdiń 13 oblysyna aýa raıynyń qolaısyzdyǵyna baılanysty eskertý jarııalady, dep habarlaıdy Kazinform.

Astanada 22 jeltoqsan kúni qar jaýyp, tuman túsedi.

Soltústik Qazaqstan oblysynda burqasyn, kóktaıǵaq bolady.

Qyzylorda jáne Aqtóbe oblystarynda – tuman, joldarda kóktaıǵaq, Aqmola oblysynda burqasyn bolady.

Jambyl, Mańǵystaý jáne Jetisý oblystarynda jel kúsheıedi.

Ulytaý, Qaraǵandy, Batys Qazaqstan jáne Atyraý oblystarynda tuman túsedi.

Qostanaı, Pavlodar oblystarynda kóktaıǵaq bolady.