Astana jáne Qazaqstan mıtropolıti musylmandardy Qurban aıt merekesimen quttyqtady
ASTANA. QazAqparat - Qazaqstandaǵy Pravoslavıe shirkeýiniń basshysy, Astana jáne Qazaqstan mıtropolıti Aleksandr Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly Maıamerovti jáne barsha qazaqstandyq musylmandardy Qurban aıt merekesimen quttyqtady.
«Dástúrli dinı merekeler, eń aldymen Islamnyń Hanafı mazhaby men Pravoslavıe respýblıka Táýelsizdiginiń shırek ǵasyry ishinde eldiń mańyzdy qoǵamdyq oqıǵalarynyń kúntizbesinen berik oryn aldy jáne Qazaqstannyń kópultty halqynyń ómirindegi eleýli qubylystarǵa aınaldy.
«Uly Dala keńistigindegi órkenıet ómiri súre bastaǵan myńjyldyq ishinde ártúrli ulystar ókilderi, ártúrli mádenı jáne dinı ustanymdaǵylar beıbitshilik pen tatý-kórshilikti saqtaýdy úırendi. Biz, munda HHІ ǵasyrda ómir súrip jatqan adamdar úshin búginde ultaralyq janjaldar, radıkalızm men lańkestik qaýpi órship otyrǵan almaǵaıyp zamanda Qazaqstannyń basty baılyǵyn uqypty saqtap, molaıta túsý burynǵydan beter mańyzdy. Qazaqstan Respýblıkasynyń Prezıdenti, asa qurmetti N.Á.Nazarbaev óziniń sózderinde: «Bizdiń bolashaq damýymyz, barlyq oıǵa alǵan isterimizdi júzege asyrý qoǵamdyq birlik jáne eldegi turaqtylyq bolmaıynsha múmkin emes» , dep talmastan aıtyp keledi. Qazaqstandyq qoǵamnyń rýhanı-adamgershil jáne mádenı-tarıhı negizderin nyǵaıtýǵa baǵyttalǵan bizdiń birlesken qyzmetimiz, budan bylaı da ıgilikti maqsattarǵa qyzmet ete beredi», - delingen quttyqtaýda.
Mıtropolıt Aleksandr Bas múftıge jáne eldiń barlyq musylmandaryna densaýlyq, ishki álem tynyshtyǵyn jáne Qazaqstannyń ıgiligi jolyndaǵy eńbekterinde ıgilik pen tabys tiledi.
Mıtropole okrýginiń basshysy Islamnyń basty merekesine oraı Qazaqstan Respýblıkasynyń Prezıdenti N.Á.Nazarbaevqa, eldiń oblys jáne qala ákimderine quttyqtaý joldady.
