Astana jáne Qazaqstan mıtropolıti Aleksandr Memleket basshysyna estelik úshin pasha jumyrtqasyn syıǵa tartty
ASTANA. 5 mamyr. QazAqparat - Búgin Astanadaǵy Ýspensk kafedraldy shirkeýinde Pasha merekesine arnalǵan dinı ǵuryptar aıaqtalǵan soń Astana jáne Qazaqstan mıtropolıti Aleksandr Memleket basshysy Nursultan Nazarbaevqa pasha jumyrtqasyn estelik úshin syıǵa tartty.
«Sizge mynaý Reseıdiń úzdik sýretshileriniń biri jasaǵan pravoslavtyq hrıstıandyq belgini syıǵa tartýǵa ruqsat etińiz. Biz Sizdiń Astana men Qazaqstannyń basty shirkeýine kelýińizdi este qaldyrǵymyz keledi. Bul syılyq shaǵyn bolǵanymen, Sizge shyn júrekten usynylyp otyr», -dedi mıtropolıt Aleksandr.
