Astana jáne Qazaqstan mıtropolıti Aleksandr dinge senýshilerdi Rojdestvo merekesimen quttyqtady
ALMATY. 7 qańtar. QazAqparat - «Sizderdi shyn júrekten uly jáne qýanyshty mereke - Rojdestvomen jáne bizdiń qutqarýshymyz Iısýs Hrıstostyń týǵan kúnimen quttyqtaımyn!
Búginde «barlyq jaratylys, barsha adamzat balasy» Vıfleemde týǵan Qudaı balasy jaıly qýana aıtýda», - delingen Astana jáne Qazaqstan mıtropolıti Aleksandrdyń Rojdestvo merekesine oraı joldaǵan úndeýinde.
«Hrıstostyń ómirge kelý merekesi - erekshe jarqyn oqıǵa. Osy ýaqytta bárimiz Qudaımen jáne týǵan-týystarymyzben aradaǵy qarym-qatynasymyzdy jaqsartý jaıly oılanyp, aspandaǵy Qudaıdy «bar júregimmen, bar oı-sanammen, bar janymmen súıemin be, mańaıymdaǵy jandarǵa men hrıstıan senimi boıynsha qaraımyn ba, maǵan qarsylyq jasaǵan adamdy keshire alýdy úırendim be?» degen suraqtarǵa jaýap izdep, oılanýymyz kerek. Osy álemdi qutqaratyn tún árqaısymyzdyń Evangelııa boıynsha ómirimizdi túzep, Qudaıǵa jol ashyp, bizge óz duǵamyzdy jasap, qýanǵan adamdarmen birge qýanyp, ózgelerdiń qaıǵysyna ortaqtasýdy úıretedi», - dep jazylǵan mıtropolıttiń quttyqtaýynda.
Onyń sózine qaraǵanda, Rojdestvo Qudaıdyń jańa raqymshylyǵynyń bastalýyna jol ashady, osy merekede Qudaıǵa onyń ótken jyly jasaǵan meıirim-shapaǵaty úshin alǵys aıtyp, jańa jylda jaqsylyq suraý kerek. «Qasıetti Hrıstos halqymyzǵa tynyshtyq pen birlik, baqyt pen qýanysh ákelsin», - dep tiledi ol.
