Astana jáne Qazaqstan Mıtropolıti Aleksandr barsha qazaqstandyqtardy Jeńis kúnimen quttyqtady
Bul týraly búgin elimizdiń BAQ-taryna taratylǵan Qazaqstan Mıtropolıt aımaǵynyń basshysy Astana jáne Qazaqstan Mıtropolıti Aleksandrdyń barsha qazaqstandyqtardy Uly Otan soǵysynyń aıaqtalǵanyna 66 jyl tolýyna arnalǵan quttyqtaý mátininde aıtylǵan.
«Jeńis bizge ońaılyqpen kelgen joq, adamnyń qundy taǵdyrymen, úlken shyǵyndarmen, rýhanı jáne fızıkalyq kúshterdiń joǵalýymen, qıraǵan qalalarmen, aýyldarmen jáne myńdaǵan adamnyń taǵdyry qurbandyq bolǵan jolmen kelgen - Jeńis. Otany úshin ómirin bergen jandardy biz eshqashan umytpaımyz», - delingen quttyqtaýda.
«Bizge jeńis syılaǵan Uly Otan soǵysynyń ardagerlerine basymyzdy ıip, myń alǵysymyzdy aıtamyz, qolbasshylarǵa jáne qatardaǵy jaýyngerlerge, dárigerlik qyzmetshilerge jáne tyl eńbekshilerine, batyrlyqpen jáne tabandylyqpen Uly Jeńiske úles qosqan barlyq jandarǵa alǵysymyz sheksiz. Qurmetti Qazaqstan Respýblıkasynyń turǵyndary, Jeńis Kúnimen quttyqtaýymdy qabyl alyńyzdar! Meıirimdi Qudaı bizdi ashyq aspanda beıbitshiligimizdi saqtap, dańqty Otanymyz úshin eńbek etýge násip etip, barlyq halyqtarǵa baqytty ómir súrýge násip etsin!», - dep aıaqtaǵan óziniń quttyqtaýyn Mıtropolıt Aleksandr.
