Astana jáne Amman áriptestiktiń jańa perspektıvalaryn talqylady
ASTANA. QazAqparat - EKSPO-2017 Halyqaralyq mamandandyrylǵan kórmesinde Iordanııanyń Ulttyq kúnin toılaý qurmetine oraı Iordan Hashımıt Koroldigi delegatsııasynyń kelýine baılanysty Astana qalasynyń ákimi Amman qalasynyń mýnıtsıpaldy komıtetiniń tóraǵasymen kezdesti, dep habarlaıdy Astana qalasy ákimdiginiń baspasóz qyzmeti.
Qala basshylary eki astana arasynda áriptestiktiń perspektıvalaryn talqylady.
Eki qalada da qazirgi ýaqytta «aqyldy qala» tehnologııasyn engizý, ınvestıtsııa tartý, saıabaqtar salý jáne qala kóshelerin jasyldandyrý boıynsha jumystar atqarylýda.
Qazaqstannyń astanasyna saparlap kelgen ıÝsýf Al Shaýarıb myrza Astana qalasynyń bas josparymen tanysty, «Astana Opera» memlekettik opera jáne balet teatryna, «Nazarbaev Ýnıversıteti» men «Barys Arena» muzaıdynyna bardy.
«Resmı sapar barysynda Astana qalasynyń kórkem jerlerine baryp, sáýleti erekshe nysandardy araladym. Jas bolsa da qarqyndy damyp kele jatqan sizdiń shaharlaryńyz qatty unady. Qala ákimshiligi tarapynan úlken kásiporyndar ornalasatyn ınvestıtsııalyq ortalyqtardy tartýda jaqsy jumys istelýde, men buǵan búgin kýá boldym», -dedi ıÝsýf Al Shaýarıb.
Sonymen birge búgin Astanada Iordan Hashımıt Koroldiginiń koroli Hýseın Ben Talaldyń esimimen kóshe ashyldy. Aıta keteıik, bul kósheniń uzyndyǵy 3 shaqyrym 78 metr.
