Astana jáne Almatyda 7 myńnan astam adam kásiptik oqytýǵa baǵyttaldy
ASTANA. 14 qarasha. QazAqparat - «Jumyspen qamtý-2020» baǵdarlamasy boıynsha Almaty oblysynda kásiptik oqytýǵa, qaıta daıarlaýǵa jáne biliktilikti kóterýge 4512 adam, Astanada 2957 adam baǵyttaldy, dep habarlady Eńbek jáne halyqty áleýmettik qorǵaý mınıstrligi pm.kz saıty úshin.
Búgingi tańda Almaty oblysynda kásiptik oqytýǵa, qaıta daıarlaýǵa jáne biliktilikti kóterýge 4512 adam baǵyttalǵan. Onyń 1666 adamy oqýyn aıaqtady, 1494 adam jumysqa ornalastyryldy, bul rette 390 adam jeke sýbsıdııalaýmen eńbekaqy alady. 22,7 mln. teńge qarajat ıgerilgen.
Óz kezeginde Astanada 2957 adam kásiptik oqytýǵa baǵyttaldy, onyń 1330 adamy kásiptik oqytýǵa, qaıta daıarlaýǵa 1542 adam jáne 85 adam biliktilikterin arttyrýǵa baǵyttaldy.
«Elordada baǵdarlamaǵa qatysýǵa ótinish bildirgender sany 3419 adam, 3058 adam áleýmettik kelisim-shartqa qol qoıǵan», - delingen habarlamada.
