Astana jáne Almaty qalalarynda áýesqoılar arasynda quzǵa shyǵýdan jarys ótedi
ASTANA. QazAqparat - 2015 jylǵy 1 qarashada Almaty jáne Astana qalalaryndaǵy MEGA oıyn-saýyq kesheninde ornalasqan SCALA jarǵa órmeleýishterinde áýesqoılar arasynda quzǵa shyǵýdan qyzyqty jarys ótedi. «Namys doda» telejobasynyń aıasyndaǵy osy jarystyń uıymdastyrýshysy - «Qazaqstan» teleradıokorporatsııasy.
Quzǵa shyǵý degen ne? Bul tabıǵı shyńdar men jasandy quzǵa órmeleýshilerdiń 15-30 metrlik bıiktikti baǵyndyrýy, belsendi demalys jáne sport túri. Quzǵa shyǵý - álemniń túkpir-túkpirinde myńdaǵan adamdar aınalysatyn erekshe sport. Sporttyń erekshe jáne ekstremaldy bul túri túrli jastaǵy eń belsendi adamdardyń basyn biriktiredi. Bul saıysqa kez kelgen adam qatysyp, esten ketpes sátter men sezimderdi bastan keshiredi.
Bul ekstremaldar men bıiktikti unatatyn adamdar úshin óz kúshin synap kóretin sát.
Arnaıy elektrondyq hronometr jarysqa qatysýshylardyń ishinen úzdigin anyqtaıdy. Jeńimpazdar arnaıy syılyqtarmen marapattalady, dep habarlaıdy «Qazaqstan RTRK» AQ baspasóz qyzmeti.
