Astana jáne Almaty HQKO-larynda «Tilekter shyrshasy» ornatyldy

ASTANA. QazAqparat - Astananyń Respýblıka dańǵylyndaǵy jáne  Almaty qalasy Medeý aýdandyq HQKO-rynda «Tilekter shyrshasy» ornatyldy, dep habarlaıdy QazAqparat «Azamattarǵa arnalǵan úkimet» korporatsııasynyń baspasóz qyzmetine silteme jasap.

«Azamattarǵa arnalǵan úkimet» memlekettik korporatsııasy qyzmetkerleri Aıaz ataǵa arnalǵan 3 pen 15 jas aralyǵyndaǵy 60 balanyń hatyn jınady.

Jańa jyl - sıqyrdyń, tilekter men  qııaldardyń oryndalatyn ýaqyty. Ár bala osy keremet sátte jańa jyldyq ǵajaıypqa laıyqty. Halyqqa qyzmet kórsetý ortalyǵyna kelgen kez-kelgen qyzmet alýshy meıirimdi Aıaz ata bolyp, balanyń izgi tilegin júzege asyrý múmkindigi bar.

Máselen, tórt jasar Muhammed ózi jaza bilmegendikten, hatty anasynan jazyp berýdi surapty. Ol táttilerdi óte jaqsy kóredi jáne shanasy bolǵanyn qalaıdy eken. Al 14 jastaǵy Elvına ádemi kúrteshe men qysqy etik alǵysy keletinin jazady.

Balalardyń tilek hattary ilingen «Tilekter shyrshasy» aktsııasy 27 jeltoqsanǵa deıin jalǵasady. Osy ýaqytqa deıin kez-kelgen tilek bildirýshiniń osy eki HQKO-rynyń birine kelip, balalardyń izgi armanyn oryndaý múmkindigi bar.