Astana jáne Almaty qalalarynda 3 iri esirtki zerthana joıyldy
ASTANA. KAZINFORM — Astana jáne Almaty qalalarynda Qazaqstan Respýblıkasynyń Ulttyq qaýipsizdik komıteti polıtsııamen ózara árekette jáne prokýratýra organdarynyń úılestirýimen 3 iri esirtki zerthanasynyń áreketin joıdy. Bul týraly UQK baspasóz qyzmeti málim etti.
Atalǵan qylmystar jasady degen kúdik boıynsha Qazaqstannyń 8 azamaty ustalyp, sottyń sanktsııasymen qamaýǵa alyndy.
«Tintý barysynda 93 kg-nan astam sıntetıkalyq esirtki, krıstaldaný satysyndaǵy 70 lıtr mefedron, sondaı-aq 255 kg prekýrsor men zerthanalyq jabdyqtar alyndy. „Qara“ naryqta tárkilengen esirtkiniń quny 2 mlrd teńgeden artyqty quraýy múmkin», — delingen habarlamada.
Qylmystyq Kodekstiń 297-baby boıynsha sotqa deıingi tergeý júrgizilip jatyr.
Qylmystyq-protsestik kodekstiń 201-babynyń 1-bóligine sáıkes ózge de aqparat jarııa etilýge jatpaıdy.
