Astana jańarý men jańǵyrýǵa jol ashty – Memleket basshysy
«Astana jańarý men jańǵyrýǵa jol ashty. Búginde Astana jan-jaqty ári qarqyndy damýda. Elordamyzdyń halyqaralyq bedeli artýda. Astana ıÝNESKO-nyń sheshimimen «Beıbitshilik qalasy» atandy. Bas qalamyzda kóptegen is-sharalar uıymdastyryldy. Eýropadaǵy qaýipsizdik jáne yntymaqtastyq uıymynyń sammıti, EKSPO halyqaralyq kórmesi ótti. Qazir Astana – dinaralyq dıalog pen rýhanı dıplomatııanyń ordasy. Álemdik jáne dástúrli dinder kóshbasshylarynyń sezi sonyń aıqyn kórinisi», - dedi Qasym-Jomart Toqaev elordada ótip jatqan Astananyń baýyrlas qalalar forýmynda.
Memleket basshysy baıandaǵandaı, elorda tórinde túrli konfessııa ókilderi bas qosty.
«Astanaǵa Rım papasy arnaıy kelgenin bilesizder. Kezinde asa mártebeli ІІ Ioann Pavel qonaq boldy. Byltyr asa qadirli Frantsısk keldi. Olar Qazaqstannyń álemdik rýhanııatty nyǵaıtýǵa qosqan úlesin joǵary baǵalady. Bizdiń ıgi bastamalarymyzǵa qoldaý bildirdi. Bul – biz úshin zor mártebe», - deıdi Prezıdent.
