«Astana» jańa oıynshysyn jalǵa bermek
ASTANA. QazAqparat - «Astananyń» jańa oıynshysy Marat Bystrov «Tobylǵa» jalǵa berilmek, dep habarlaıdy «SPORTINFORM» SAA.
26 jastaǵy qaptaldaǵy qorǵaýshy osy aptada elordalyq klýbpen 2,5 jylǵa kelisimshart jasaǵan edi. Bystrov el chempıonatynda ázirge oınaı almaıdy, sebebi qorǵaýshyny maýsymnyń sońyna deıin «Tobylǵa» jalǵa beredi.
Bystrov - Qostanaı oblysynyń týmasy. Bul «Tobyl» basshylyǵyn qyzyqtyrǵan (oıyn sapasyn qospaǵanda) basty faktorlardyń biri boldy.
«Astana» reseılik «Tambovtyń» burynǵy qorǵaýshysynyń transferi týraly osyǵan baılanysty resmı jarııalamaǵany da sondyqtan bolsa kerek. Bystrov - qostanaılyqtarǵa jalǵa berilgen Qazaqstan chempıonynyń jalǵyz oıynshysy emes. Golkıper Dmıtrıı Nepogodov ta elordalyq komandaǵa tıesili.
