Astana jańa Qazaqstannyń saıası, ekonomıkalyq, mádenı ómiriniń ortalyǵyna aınaldy - B.Torǵaev
ALMATY. 6 shilde. QazAqparat /Ádilet Musahaev/ - Astana kúni - bul bizdiń búkil Qazaqstan ómirindegi aýqymdy oqıǵa bolyp tabylatyn ortaq merekemiz. Bul jaıynda Almaty qalasy Áýezov aýdanynyń ákimi Bekqalı Torǵaev Astan kúnine oraı ótip jatqan merekelik shara barysynda aıtty.
Aýdan ákimi Astananyń tarıhy Qazaqstan táýelsizdigi jylnamasynyń eń jarqyn kezeńine aınalǵandyǵyn jetkizdi. «Astananyń aýystyrylýy memleketimizdiń ári qaraı damýy úshin mańyzdy boldy. Astana jańa Qazaqstannyń saıası, ekonomıkalyq, mádenı ómiriniń ortalyǵyna aınaldy», -dedi B.Torǵaev halyq aldynda sóılegen sózinde.
Sonymen qatar ol Astanǵa álemge tanymal sáýetshi sheberlerdiń, onyń ishinde Kıse Kýrakava men Normann Fosterdiń tańǵajaıyp arhıtektýralyq jobalary iske asyrylǵandyǵyn aıtyp ótti. «Osy belgili sáýletshilerdiń usynǵan tujyrymdamasynyń arqasynda Astana qorshaǵan ortamen úılesimdi damyp, óziniń zamanaýı keskinderimen jurtshylyqty tań qaldyrýda», -deıdi aýdan ákimi.
Astananyń bolashaǵy zor ekendigi barshamyzǵa belgili. Osy tusta B.Torǵaev QR Prezıdenti Nursultan Nazarbaev Astanany álemniń damyǵan 30 eliniń astanasy qataryna kirý mindetin qoıǵandyǵyn da atap ótti. «Búginniń ózinde Astana osy úlken maqsatqa qol jetkizý úshin aıtarlyqtaı jetistikterge jetti deýge bolady. Astanany quttyqtaý úshin álemniń ár túrli memleketterinen bedeldi saıasatkerler, dıplomattar, estrada juldyzdary, jýrnalıster men ǵalymdar aǵylýda», -dedi B.Torǵaev.
