«Astana jańa - qala» kedeni sybaılas jemqorlyqpen kúres baǵytynda eleýli sharalardy júzege asyrýda
ASTANA. 28 sáýir. QazAqparat - Qazaqstan Respýblıkasy Qarjy mınıstrligi Kedendik baqylaý komıtetiniń «Astana - jańa qala» kedeni keden organdaryndaǵy kadr saıasatyn jetildirýge,
Elbasynyń tapsyrmalaryn oryndaýǵa baǵyttalǵan sybaılas jemqorlyqty tómendetý boıynsha sharalar keshenin ázirleý jáne júzege asyrý boıynsha mańyzdy sharalar qabyldady, dep habarlady «Astana - jańa qala» kedeniniń Іshki qaýipsizdik bólimshesi.
Sybaılas jemqorlyqqa qarsy kúres sharalaryn kúsheıtý maqsatynda Komıtet kadrlardy irikteý, taǵaıyndaý sapasyna asa mańyzdy mán beredi jáne osy maqsatta keden organynyń laýazymdy tulǵalaryna biliktilik talaptary kúsheıtildi. Qyzmetke bekitilgen biliktilik talaptaryna saı, joǵary bilimdi jáne belgili bir jumys tájirıbesi bar tulǵalar qabyldanady. Úmitkerler Kedenge jumysqa qabyldanar aldynda ulttyq qaýipsizdik organdarynan, prokýratýra organdarynyń arnaıy esepke alý organdarynan jáne Qazaqstan Respýblıkasynyń ishki qaýipsizdik bólimshelerinen tereńdetilgen tekserýden ótedi.
Sybaılas jemqorlyqpen kúresýdegi basymdy baǵyttyń biri Kedenniń qarjy-sharýashylyq qyzmeti salasyndaǵy zań talaptaryn saqtaýdy qamtamasyz etý bolyp tabylady.
Ózine senip tapsyrylǵan 10 mln. teńgeden joǵary somany ysyrap etý faktisi boıynsha Kedenniń ákimshilik-sharýashylyq jumystary, býhgalterlik esep jáne eseptilik bóliminiń bastyǵyna qatysty Kedenniń Іshki qaýipsizdik bólimshesimen qozǵalǵan qylmystyq isti sotyń qaraýy nátıjesinde sońǵy kináli dep tabylyp, sottaldy. Qyzmettik mindetterin oryndamaǵany úshin Kedenniń 2 qyzmetkeri jumystan bosatyldy. Bir laýazymdy tulǵa sybaılas jemqorlyqpen quqyqbuzýshylyq jasaǵany úshin tártiptik jazaǵa tartyldy.
Kedenniń Іshki qaýipsizdik bólimshesi úzdiksiz laýazymdyq qylmystardyń jáne quqyqbuzýshylyqtardyń aldyn alýǵa jáne jolyn kesýne baǵyttalǵan aldyn alý sharalaryn júrgizedi. «Nur-Otan» halyqtyq-demokratııalyq partııasymen birlesken yntymaqtastyq sheńberinde memlekettik bıliktiń barlyq deńgeıinde sybaılas jemqorlyqpen ymyrasyz kúres máseleleri qarastyryldy.
Respýblıkanyń keden organdary qyzmetiniń jaǵymdy beınesin qalyptastyrý jáne azamattardyń senimin arttyrý, qoǵamdy, buqaralyq aqparat quraldaryn qylmysqa jáne sybaılas jemqorlyqqa qarsy kúreske tartý, sybaılas jemqorlyq kórinisterine jappaı tózbestik atmosferasyn qalyptastyrý maqsatynda Keden saıasaty boıynsha Qoǵamdyq konsýltatıvtik keńes jumys isteýde.
Sonymen qatar, Kedende azamattardyń usynystary men shaǵymdaryn qabyldaý úshin senim telefony jumys isteıdi. Keden qyzmetkerleriniń zańsyz is-áreketerine myna telefondar arqyly shaǵym jasaýǵa bolady: 8 (7172) 24-06-49, 24-10-16.
