Astana jaǵajaıynda Mońǵolııada týǵan eki azamat tanysýdy jalǵastyrýdan bas tartqan eki qyzdy tonap ketken
ASTANA. 18 tamyz. QazAqparat - Іshki ister departamentine 1987 jyly jáne 1988 jyly týylǵan Astana qalasynyń eki azamatshasynan keshki mezgilde jaǵajaıda olardyń jeke zattary - sómkeler men fotoapparattary urlanǵandyǵy týraly aryz túsken.
ІІD baspasóz qyzmeti habarlaǵandaı, tergeý barysynda polıtsııa qyzmetkerleri jaǵajaıda qyzdardyń belgisiz tulǵalarmen tanysqandyǵyn anyqtady. Biraz ýaqyt ótkizgennen keıin álgiler olarǵa jaǵajaıdan ketýdi usynady, biraq aryzdanýshylar kelispegen. Kelispegendikteri úshin ashýlanǵan jas jigitter kúshpen olarǵa tıesili zattardy alyp qashpaqshy bolǵan. Oqıǵa bolǵan jerge kelgen «Antal» polıtseılik avtopatrýli jasyrynbaqshy bolǵan jas jigitterdi ustady.
Astana qalasy Almaty aýdandyq ІІB-nyń qyzmetkerleri ustalǵandardan jaýap alý barysynda olardyń 1985 jyly jáne 1986 jyly Monǵolııada týǵan azamattary ekenin, jumyssyz, Aqmola oblysynda turatyndyqtaryn, buryn sottalmaǵandyqtaryn anyqtady. Qazirgi ýaqytta olar tolyǵymen kinálaryn moıyndady, qylmystyq is qozǵalý máselesi qarastyrylýda.
