Astana Zero TV bastamasyna qosylýǵa nıetti
Osylaısha, Astana «Zero TV» qalalarynyń koalıtsııasyna qosylǵan Ortalyq Azııadaǵy alǵashqy shahar bolmaq. Aıta keterligi, Zero TV bastamasy týberkýlezdi anyqtaý men erte dıagnostıkalaýdy jeńildetýge, ólim-jitim men týberkýlezdiń taralý kórsetkishterin tómendetý úshin qosymsha qarjylyq, tehnıkalyq jáne klınıkalyq resýrstardy jumyldyrýǵa kómektesedi. Bul deklaratsııa Astana qalasynyń áleýmettik mańyzy bar aýrýlarmen kúreste halyqaralyq deńgeıge kóterilýine, týberkýlezben kúreste jınaǵan tájirıbesin álemniń ózge de qalalarynyń qoldanýyna jol ashady dep kútiledi.
«Tolyqtaı alǵanda, bul baǵytta Astana qalasynyń ákimdigi aýqymdy jumystar atqaryp jatyr. Sońǵy jyldary týberkýlezge shaldyǵý deńgeıin 4 esege tómendettik. Mundaı memorandýmdar búgingi kúni aldymyzda turǵan syn-tegeýrinderdi sheshýge, ózara jańa aqparattarmen, sheshimdermen almasýǵa múmkindik beredi», - dedi qujatqa qol qoıý rásiminen keıin BAQ ókilderine suhbat bergen Astana qalalyq densaýlyq saqtaý basqarmasynyń bastyǵy Qamaljan Nadyrov.
Al «Stop TB» áriptestiginiń atqarýshy dırektory Lýchık Dıtsıýdyń aıtýynsha, týberkýlezdi nól deńgeıine jetkizý jolynda ulttyq aýqymda kúres júrgizý óte qıyn. Sondyqtan bul aýrýmen kúresti shaǵyn aýmaqtardan bastap júrgizgen durys.
«Bul birshama tıimdi ári qarjyldandyrý jaǵynan da qıyndyq bolmaıdy. ıAǵnı, bul jumysty jergilikti deńgeıde júrgizgen jón. Biz qalalarmen jumys isteýge basa mán beremiz. Sebebi nátıjeniń bar ekenin kórip otyrmyz. Mundaı jumys tipti úlken qalalarda da óz jemisin beredi», - dedi Lýchık Dıtsıý.