«Astana-zań» quqyqtyq portaly iske qosyldy

ASTANA. QazAqparat - Búgin Astana qalalyq ádilet departamenti men QR Zańgerler odaǵynyń elordalyq fılıaly «Astana-zań» (www.astanazan.kz) quqyqtyq portalyn ashty.

Atalǵan departament basshysy Qanat Mýsınniń atap ótýinshe, portaldyń basty maqsaty - quqyqtyq zańnama, memlekettik organdardyń qyzmeti týraly sońǵy jańalyqtar men quqyq qorǵaý, sot jáne memlekettik organdardyń, notarıaldyq palata, baǵalaýshylar men advokattar alqasy basshylarynyń blogtaryna kirýge múmkindik beretin aqparattyq qyzmet resýrsyn qurý.

«Bul ınternet resýrs Ádilet departamenti men Qazaqstan Zańgerler odaǵy elordalyq fılıalynyń birlesken jumysynyń jemisi. Muny belgili bir deńgeıde bizdiń noý-haý desek te bolady. Óıtkeni, búgingi tańda mundaı ınternet resýrs Qazaqstan aýmaǵynda joq, ıaǵnı, alǵashqy qarlyǵashy», - dedi Q.Mýsın.

Onyń sózine qaraǵanda, kásipkerler men BAQ ókilderi, qala turǵyndary men qonaqtary, ınternet qoldanýshylar memlekettik qyzmetter týraly jáne quqyqtyq negizdegi kez kelgen aqparatqa, onlaın keńesterge jedel ári tıimdi qol jetkizetin bolady.