«Astana» - «ıAblonets» matchyna jankúıerlerdi arnaıy avtobýs tasymaldaıdy
ASTANA. QazAqparat - «Astana» - «ıAblonets» (Chehııa) arasyndaǵy Eýropa Lıgasynyń toptyq kezeńiniń 4-týrynyń matchy 8 qarashada keshki 21:50-de bastalady, dep habarlaıdy QazAqparat «Astana» fýtbol klýbynyń saıtyna silteme jasap.
Match ótetin «Astana-Arena» stadıonyna №10, 12, 37, 40, 51, 53, 60 avtobýstarymen barýǵa bolady.
Sondaı-aq, aýdıtorııaǵa yńǵaıly bolý úshin saǵat 19:00-den bastap qalanyń úsh tusynan («Qazaqstan» KZ, «Kapıtal Tsırk» turaǵy, «Nur Astana» meshitiniń parkıngi) arnaıy josparly avtobýstar (transfer) uıymdastyrylady.
Avtobýstar jankúıerlerdi «Astana-Arena» aıaldamasyna deıin (Qabanbaı batyr dańǵyly jaǵynan) jetkizedi.
