«Astana» VTB-Lıganyń birinshi týrynda TsSKA-men oınaıdy
ASTANA. QazAqparat - Basketboldan VTB-Lıganyń jańa maýsym kestesi jarııalandy. Oǵan sáıkes, «Astana» týrnırdi byltyrǵy jeńimpaz Máskeýdiń TsSKA-syna qarsy oıynmen bastaıdy, dep habarlaıdy SPORTINFORM.
Týrnır 5 qazan kúni «Lokomotıv-Kýban» - «Zenıt» matchymen bastalady. Qazaqstan ókili alǵashqy oıynyn Astanada 7 qazanda ótkizedi. Emıl Raıkovıch komandasy syrttaǵy alǵashqy matchynda 14 qazan kúni Mınskide «Tsmokı-Mınsk» komandasymen oınaıdy.
Basketbol dodasynyń reglamenti óte qarapaıym: 14 komanda eki aınalymdyq (óz alańynda jáne syrt alańdaǵy oıyndar) kezeńge qatysady. Onyń qorytyndysy boıynsha úzdik segiz ujym pleı-off kezeńinde tıtýl jeńimpazyn anyqtaıdy. Barlyq serııalar «2-2-1» shemasynda bir komanda úsh jeńiske jetkenshe jalǵasady.
