«Astana» VTB Biryńǵaı lıgasynyń maýsymyn «Letývos Rıtas» baltyq jaǵalaýy klýbyn jeńýden bastady
ASTANA. 3 qazan. QazAqparat -«Astana» VTB Biryńǵaı lıgasynyń maýsymyn «Letývos Rıtas» (Lıtva) baltyq jaǵalaýy klýbyn jeńýden bastady, dep habarlady Vesti.kz.
Oıyn ıeleri kezdesýdi qyzý bastap ketti. Bastapqyda forvard Roýl Marshall Stepanos Babraýskastyń laqtyrǵan dobyn qaǵyp túsirse, jańadan kelgen ortańǵy-oıynshy Andreas Glınıadakıs óz komandasyna bul maýsymdaǵy alǵashqy upaılardy jınady, esep - 2:0. Keıin sportshy taǵy bir dopty kirgizdi - bul joly aıyp dobymen.
«Astana» oıynǵa jetekshilik etip, ony júrgizip otyrdy. Roýl Marshalldyń «úshtigi» aıyrmashylyqty alty pýnkt - 14:8 esebine deıin ulǵaıtty. Ol basymdyqty alystan laqtyrylǵan eki doppen 21:13-ke deıin jetkizdi.
Bul oıynda basqa da lıgıonerler ózderiniń esepterin ashty. Aldymen amerıkandyq ortańǵy-oıynshy Devıd Saımon sheńberdiń astynda aıqasyp, ony nátıjeli doppen aıaqtady. Kelesi shabýylda Anatolıı Kolesnıkov (Boze laqap atymen tanymal) esepti 25:15-ke jetkizdi.
Al ári qaraı elordalyq oıynshylardy almastyryp qoıǵandaı boldy: alǵashqy oıynnyń sońynda jáne tórtte ekiniń basynda «Astana» óziniń 10 upaı aıyrmashylyǵyn joǵaltyp aldy. Osylaısha oıynnyń 25:15 esebi 25:29-ǵa aınaldy.
Úsh upaıly artıllerııa qosyldy: bul mınýttarda ásirese «astanalyqtar» Branko Tsvetkovıch pen Anatolıı Kolesnıkov asa belsendi boldy, sondaı-aq ıAnıs Blýms pen Mındaýgas Katelınas - qonaqtarǵa qarsy. Bul aıqastan keıin komandalar úziliske 42:47 esebimen lıtvalyqtardyń paıdasymen ketti.
Úzilis barysynda «Astananyń» ustazy Matteo Bonıchıollı oıynshylardy belsendilikke shaqyrǵan bolý kerek. Djerrı Djonsontan bastap Andreas Glınıadakıske deıingi árqaısysy qarsylasymen qatalyraq oınaı bastady. Nátıjesinde upaılar tapshylyǵy joıyldy. Nátıjeni Djons pen Marshall berdi.
61:62 - «Letývostyń» psıhologııalyq ári turaqsyz basymdyǵy. Bir mezette Branko Tsvetkovıch oıynǵa qosylyp, bir shaýyblda birden 3 poınt aldy. Esep - 64:64.
Oıynnyń sońy - mańyzdy sátte Stepanos Babraýskas qatelik jiberdi, esep - 70:71. Oıyn «Astanaǵa», naqty aıtqanda ony oınatqan Djerrı Djonsonǵa ótti. Amerıkandyq oıyndy óz qolyna alyp, fınaldyq dabylǵa deıin 1,5 sekýnd qalǵanda fol jasady. Qonaqtar qutqaryla almady... Bul elordalyqtardyń maýsymdaǵy alǵashqy jeńisi.
