«Astana» VTB Biryńǵaı lıgasynyń «A» tobyndaǵy komandalardyń úshtigine endi
ASTANA. 17 qazan. QazAqparat - Jeńisteri men jeńilisteriniń araqatynasy 66 paıyzǵa jýyq bolatyn «Astana» komandasy VTB Biryńǵaı lıgasynyń «A» tobyndaǵy komandalardyń úshtigine ótti, dep habarlaıdy Vesti.kz. tilshisi.
Eske salaıyq, qazaqstandyq komanda jarystyń basynda Lıtvanyń «Letývos Rıtas» jáne Ýkraınanyń «Azovmashyn» jeńip, reseılik «Hımkılerden» utylyp qaldy. Úshtikter tobyn Máskeý túbindegi dál osy klýb bastap tur, olardyń izin ala jeńilissiz pıterlik «Spartak» kele jatyr. Keshe qyzyldy-aqtar Qazannan kelgen ÝNIKS básekelesterin 52:51 esebimen utty.
Kelesi orynda eki jeńisi men bir jeńilisi bar astanalyq klýb tur. Qazaqstandyqtardan keıin ÝNIKS, «Donetsk» (Ýkraına), «Kalev» (Latvııa) jáne «Krasnye krylıa» (Reseı) keledi.
Atap óteıik, «Astana» atalǵan sońǵylarmen óziniń kelesi jarysynyń oıynynda, 22 qazan kúni kezdesedi. Oıyn Samara qalasynda ótedi.
