Astana vokzalyndaǵy oqıǵadan poıyzdar kestesi ózgermedi
ASTANA. QazAqparat - Astananyń temir jol vokzaly qazirgi kezde qalypty rejimde jumys istep tur. Bul týraly Kóliktegi ІІD baspasóz qyzmeti habarlady.
Eske sala ketsek, búgin saǵat 18.00-der shamasynda polıtsııaǵa Astananyń temir jol vokzalynda ıesiz qoraptyń jatqandyǵy jóninde qońyraý shalynǵan. Oqıǵa ornyna polıtsııa, arnaıy qyzmet pen qalanyń jedel qyzmetiniń mamandary kelip jetken.
Bastapqyda kúdikti zat tabylǵan aýmaq qorshaýǵa alynǵan, sondaı-aq kýágerlerden jaýap alynyp, beıne baqylaý kamerasyndaǵy jazba tekserilgen. Qorap bos bolyp shyqty.
Vokzaldan 450 jolaýshy men 55 qyzmetker syrtqa shyǵarylǵan.
