Astana vokzalynda «Biz temirjol qaýipsizdigi úshin!» uranymen flesh-mob ótti
ASTANA. 4 shilde. QazAqparat - Astana vokzalynyń temir jol perronynda «Biz temirjol qaýipsizdigi úshin!» flesh-mob ótkizildi.
Oǵan "SV" kóńildiler men tapqyrlar klýbynyń komandasy qatysty. Aktsııa kezinde olar jolaýshylardy temir jol boıynda qozǵalys qaýipsizdigin saqtaýǵa shaqyrdy. Sondaı -aq, jolaýshylarǵa temir jolda jasaýǵa bolmaıtyn is áreketter týraly, sonyń ishinde poıyzdyń qozǵalysy barysynda jol boıynda júrýge, belgilenbegen tustan ótýge bolmaıtyndyǵy aıtylǵan býkletter tabys etti.
Sharany ótkizýshi - «Lokomotıv» AQ temir joldaǵy qaýipsizdik sharalaryna alańdaýshylyq bildiredi. Statıstıkalyq málimetterge qaraǵanda, temir joldar boıynda jyl saıyn júzden astam adamdy poıyzdar qaǵyp ketedi, onyń 75 paıyzy ólim jaǵdaıyna ákelip soqtyrady. Júrgizýshilerdiń alańsyzdyǵy - jolaýshylardyń qasiretine aınaldy. Ortasha alǵanda jylyna lokomotıvtiń avtokólikpen soqtyǵysýynyń 30 oqıǵasy oryn alsa, onyń 25 paıyzy kisi ólimine ákelip otyr. Poıyz saǵatyna 40-60 shaqyrym jyldamdyqpen kele jatqanda, 300-600 metrden toqtatý múmkin emes.
Aktsııaǵa qatysýshylar qazaqstandyqtardy: «Temir jolda abaı bolyńyzdar!», «Óz qaýipsizdigińizdi oılańyz!», «Sizdi úıde otbasyńyz kútip otyr!», «Óz ómirińdi óziń qorǵa!» sekildi eskertý plakattaryn alyp júrdi.
«Lokomotıv» aktsıonerlik qoǵamy «QTJ» UK» AQ-nyń enshiles kásiporny. «Lokomotıv» AQ jyljymaly quramdy tartý, poezdardyń manevrlik jumystaryn qamtamasyz etý jáne qaýipsizdigin saqtaý, lokomotıvterge tehnıkalyq kútim jasaýmen aınalysady.
