Astana vokzalynda adamdar uzyn-sonar kezekte tur
ASTANA. QazAqparat - «Astana LRT» elordanyń eski temirjol vokzalynda uzyn-sonar kezek paıda bolǵanyn málimdedi, dep habarlaıdy «QazAqparat» HAA tilshisi.
«Únemi turǵyndar aı sońynda vokzalǵa baryp, jol júrý bıletterin alady. Eski temirjol vokzalyndaǵy kezektiń sebebi sol. Osyǵan oraı, kelesi aıdyń 15-ine deıin kólik kartalaryn satyp alýǵa «Aılyq júrý bıleti» tarıfin toltyrýǵa bolatynyn habarlaımyz. Aıta ketelik, Q. Muńaıtpasov kóshesi, 14-úıde ornalasqan ortalyq kassada, «Grand Astana» turǵyn úı keshenindegi kassada múldem kezek joq», - delingen habarlamada.
https://www.facebook.com/AstanaLRT/posts/1763105413985041
«Astana LRT» qyzmetkerleriniń aıtýynsha, 2018 jyldyń basynan qaǵaz jol júrý bıletteri shyǵarylmaıdy. Onyń ornyna 2018 jylǵy 1 qańtardan bastap uzaq merzimdi «Aılyq júrý bıleti» jańa tarıfi iske qosylady, ony kólik kartasynda toltyrýǵa bolady. Tarıf quny burynǵysynsha - 7 500 teńge. Qala mańynyń tarıfi - 9500 teńge.
Kartanyń ózi 400 teńge turady. Kartany tek bir ret satyp alady, kelesi aılarda tek toltyryp otyrý jetkilikti. Buryn alynǵan kólik kartalary aılyq júrý bıletterine de jaramdy.
Kólik kartalaryn myna mekenjaılardaǵy mamandandyrylǵan kassalardan alýǵa jáne toltyrýǵa bolady:
- Nájimedenov k., 10/2 («ASTRA Parking» keńsesinde);
- «Eýrazııa» SÚ, Petrov k., 24 (№ 051 dúken);
- TJ vokzaly (eski ǵımarat, ekinshi qabat), Gete k., 1;
- «Astanalyq tsırk», Qabanbaı batyr dańǵyly, 5;
- «Jeńic» SÚ, Jeńic dańǵyly, 47 (3-qabat);
- Q.Muńaıtpasov k., 14 (Ortalyq kassa).
Buryn 2017 jylǵy 30 jeltoqsannan bastap jol júrý bıletterin satatyn mamandandyrylǵan kassalar qaıta iske qosylǵany týraly habar berilgen edi.
