Astana vokzalynan 440 adam evakýatsııalandy
ASTANA. QazAqparat - Búgin saǵat 18.00-der shamasynda polıtsııaǵa Astananyń temir jol vokzalynda ıesiz qoraptyń jatqandyǵy jóninde qońyraý shalynǵan. Oqıǵa ornyna polıtsııa, arnaıy qyzmet pen qalanyń jedel qyzmetiniń mamandary kelip jetti, dep habarlaıdy Astana qalalyq ІІD baspasóz qyzmeti.
Bastapqyda kúdikti zat tabylǵan aýmaq qorshaýǵa alynǵan, sondaı-aq kýágerlerden jaýap alynyp, beıne baqylaý kamerasyndaǵy jazba tekserilgen. Vokzaldan 400 kelýshi men 40 qyzmetker syrtqa shyǵarylǵan.
Qorapty tekserý kezinde aınalaǵa qaýip tóndiretin qandaı da bir zat tabylmady. Saǵat 18:52-de qorshaý alyndy.
