Astana vokzalyndaǵy jarylys: TJM habarlama taratty

ALMATY. KAZINFORM — Astana vokzalynda oryn alǵan tótenshe oqıǵaǵa qatysty TJM habarlama taratty.

Elordalyq Polıtsııa departamentiniń ortalyq jedel basqarmasynyń dereginshe, Saryarqa aýdanyndaǵy Gete kóshesinde jarylys bolǵan. 

QTJ bólimshesi kezekshisiniń málimetinshe, 12-shi suryptaý jolynda platformadaǵy konteınerde dúmpý oryn aldy.

Al TJM oqıǵa ornyna dereý qutqarýshylar jetkenin málimdedi.

- Órt bolǵan joq. Zardap shekkender de baıqalmady. Oqıǵa nátıjesinde bir adam jaryqshaqtan qolyn azdap kesip alǵan. Jedel medıtsınalyq járdem brıgadasy oqıǵa ornynda kómek kórsetti, aýrýhanaǵa jatqyzý qajeti bolmady, - delingen vedomstvo dereginde. 

Oqıǵanyń sebepteri men mán-jaılary naqtylanýda.

Aıta keteıik, Astana vokzalynda júk konteıneri jaryldy.