Astana vokzaldaryndaǵy jóndeý jumystary qashan aıaqtalady
ASTANA. KAZINFORM — Kólik vıtse-mınıstri Jánibek Taıjanov Astananyń vokzaldaryndaǵy jóndeý jáne jańǵyrtý jumystarynyń qashan aıaqtalatynyn aıtyp berdi.
Vıtse-mınıstrdiń aıtýynsha, Astananyń eski vokzalyndaǵy jańǵyrtý jumystaryn qazan aıynyń sońyna deıin aıaqtap, nysandy paıdalanýǵa berý josparlanǵan.
— Astananyń eski vokzalyndaǵy jóndeý jaqsy qarqynmen júrip jatyr. Vokzaldyń aýmaǵy 7 myńnan 8,5 myń sharshy metrge deıin ulǵaıady. Jańartylǵan nysan qazan aıynyń sońynda ashylady dep josparlanyp otyr, — dedi Jánibek Taıjanov Úkimettegi brıfıngte.
Jýrnalıster «Nurly jol» vokzalyndaǵy jóndeý jumystarynyń ne sebepti uzaqqa sozylǵanyn da surady.
Vıtse-mınıstr bul jerde jańǵyrtý nemese qaıta qurý jumystary júrgizilmeıtinin atap ótti.
— Vokzalda josparly jóndeý jumystary júrgizilip jatyr. Munda jańǵyrtý nemese rekonstrýktsııalaý qarastyrylmaǵan. Mundaǵy barlyq jumysty bir aıdyń ishinde aıaqtaımyz, — dep jaýap berdi Jánibek Taıjanov.
Aıta keteıik, Qazaqstanda jańa Stadler vagondaryn qazan aıynyń sońy men qarasha aıynyń basynda júre bastaıdy.
