«Astana» - «Vılıarreal» matchyna bıletter satylýda
ASTANA. QazAqparat - 21 tamyz kúni «Astana Arena» stadıonynda ótetin «Astana» men Ispanııanyń «Fılıarreal» fýtbol klýbtary arasyndaǵy kezdesýge bıletter satyla bastady. Oıyn Eýropa lıgasy aıasynda ótedi, dep habarlady qazaqstandyq fýtbol klýbynyń baspasóz qyzmetinen.
«Eýropa Lıgasynyń pleı-off raýndy aıasyndaǵy «Astana» - «Vılıareal» matchyna bıletter búgin saǵat 10-00-den bastap satyla bastady. Bıletterdi «Astana Arena» sport kesheni mańyndaǵy kassalardan jáne «Meloman» dúkender jelisinen satyp alýǵa bolady», - delingen habarlamada.
Taratylǵan aqparatqa qaraǵanda eki komanda arasyndaǵy oıyn bıletteri 4 sanatqa bólingen, baǵasy 500-ben 3 myń teńge aralyǵynda.
Komandalar arasyndaǵy qarymta kezdesý 28 tamyz kúni Ispanııada ótedi.
