«Astana» veloshabandozy «Výelta» jalpy kestesinde 5-orynǵa shyqty
ASTANA. QazAqparat - «Astana» velokomandasynyń múshesi Ispanııa Výeltasynyń 13-kezeńinen keıin jalpy kesteniń 5-satysyna kóterildi, dep habarlaıdy QazAqparat «SPORTINFORM»-ǵa silteme jasap.
13-kezeńniń jeńimpazy ıspanııalyq Oskar Rodrıges boldy. Kolýmbııalyq Naıro Kıntana jalpy eseptegi favorıtterdiń ishindegi máre syzyǵyn Rodrıgesten 2 mınýt 32 sekýnd keıin kesip ótti. Odan soń 6 sekýnd ótkende Saımon Ieıts keldi. Al Mıgel Anhel Lopes Kıntanadan 20 sekýnd keshikti. «Astana» kapıtany bas klassıfıkatsııada joǵarylap, 5-orynǵa turaqtady. Ol kóshbasshy Hesýs Erradadan +2.23 sekýnd artta qalyp jatyr. Sondaı-aq Lopes jas klassıfıkatsııadaǵy lıderligin saqtap qaldy.
Jarystyń kelesi, taýdaǵy kezeńi búgin, 8 qyrkúıek kúni ótedi. Peloton Sısterna qalasynan jolǵa shyǵyp, Les Praeres de Nevaǵa deıingi 171 kılometrge sozylǵan birinshi sanatqa jatatyn qıyn joldy baǵyndyrýy tıis.
