«Astana» veloshabandozy «Týr de Franstiń» 10-shy kezeń jeńimpazy atandy
ASTANA. QazAqparat - «Astana» komandasynyń múshesi ıtalıandyq Vınchentso Nıbalı «Týr de Frans» kópkúndiginiń 10-kezeńinde jeńiske jetti dep habarlaıdy Sports.kz.
Frantsýz «FDJ» komandasynyń múshesi Tıbo Pıno - ekinshi, ıspandyq «Movistar» komandasynyń shabandozy Alehandro Valverde úshinshi bolyp máre syzyǵyn qıdy. Nıbalıdiń bul jeńisi jalpy esepte oǵan kóshbasshylyqty qaıtaryp berdi.
