«Astana» veloshabandozy «Týr de Frans» kezeńinde 7-shi orynǵa turaqtady
ASTANA. 1 shilde. QazAqparat - «Astana» qazaqstandyq komandasynyń ıtalııandyq shabandozy Franchesko Gavatstsı maýsymnyń eń bedeldi kópkúndigi «Týr de Franstyń» ekinshi kezeńiniń qorytyndysy boıynsha jetinshi satyǵa turaqtady.
Bul týraly Vesti.kz jazyp otyr.
Gavatstsı jarys sapyndaǵy ózge veloshabandozdar sekildi jeńimpaz - ıAn Bakelantsqa bir mınýtqa ese jiberdi. Belgııalyq máre syzyǵyna birneshe shaqyrym qalǵanda top jaryp, oǵan jetip alý múmkin bolmady. Atap ótken abzal, máre syzyǵyn kesip ótken alǵashqy 40 shabandozdyń arasynda Gavatstsıdan basqa «Astana» quramasynyń ókilderi bolmady.
Ekinshi oryn slovakııalyq Peter Saganǵa buıyrtsa, úshtikti polıak Mıhal Kvıatkovskıı túıindedi.
Veloshabandozdar 1 shilde kúni Aıachcho men Kalvı qalalarynyń arasyndaǵy 145,5 shaqyrymdy baǵyndyratyn bolady. Úshinshi ortasha taý kezeńi peloton úshin Korsıktegi sońǵy jarys bolyp tabylady. Odan keıin sportshylar Nıtstsaǵa attanady. Onda jeke sóre boıynsha komandalyq jarys ótpek.
