«Astana» veloshabandozy Paolo Tıralongo Djırodaǵy 7-inshi kezeńde jeńiske jetti
ASTANA. 14 mamyr. QazAqparat - Pro Team Astana-nyń ıtalıandyq jarysýshysy Paolo Tıralongo Rokke dı Kambodaǵy Giro d'Italia velokópkúndiginiń 7-nshi kezeńiniń jeńimpazy atandy. Jarys máresinde ol tanymal ıtalıandyq Mıkele Skarponıden ozyp ketti, dep habarlady QR Velosıped sporty federatsııasynyń baspasóz qyzmetinen.
Bul Paolo Tıralongonyń Djıro kezeńderindegi ekinshi jeńisi, 2011 jyly ol Makýnıaga aýylyndaǵy kezeńde birinshi bolyp kelgen edi.
Djıronyń segiz kezeńiniń qorytyndysy boıynsha, ProTeam Astana-nyń eki shabandozy Bas klassıfıkatsııalaýdaǵy úzdik bestiktiń quramyna endi. Jarys kóbasshysy kanadalyq Rıder Hesedaldan 15 sekýndqa artta qalǵan Paolo Tıralongo - úshinshi, Roman Kroıtsıger tórtinshi orynda. Ol kóshbasshydan 35 sekýndqa artta qaldy.
«Djıro dı Italııa 2012» velokópkúndigi dara bólinispen Mılanda 27 mamyr kúni aıaqtalady. ProTeam Astana-nyń Djırodaǵy kapıtany - chehııalyq Roman Kroıtsıger.
Djıro d'Italııa (ıtal. Giro d'Italia) - tanymal kópkúndik velojarys, Eýropadaǵy iri velojarystardyń biri (Týr-de-Frans jáne Výeltamen qatar). Jyl saıyn Italııa aýmaǵynda ádette mamyr-maýsym aılarynda ótedi.
Jarysta úsh tústi jeıde oınatylady:
Qyzǵylt tústi jeıde (ıtal. Maglia rosa) jarysta eń bedeldi bolyp tabylady jáne Bas klassıfıkatsııanyń kóshbasshysyna beriledi, Týr de Franstyń sary jeıdesine uqsas. Bul túske Gazzetta dello Sport-tyń betteriniń túsinen alǵan.
Aq jeıde (ıtal. Maglia bianca) úzdik jas jarysýshy (25 jasqa deıin) klassıfıkatsııalaýynda kóshbasshy atanǵan sportshyǵa beriledi. 2011 jyly aq jeıdeni Pro Team Astana-nyń shabandozy Roman Kroıtsıger jeńip aldy.
Jasyl jeıde (ıtal. Maglia verde) taýly klassıfıkatsııada eń joǵary upaı jınaǵan sportshyǵa beriledi.
