«Astana» veloshabandozy Nıbalı «Djıro d'Italııa» jarysynyń «koroldik» kezeńinde jeńimpaz atandy
ASTANA. 26 mamyr. QazAqparat - Qazaqstandyq «Astana» komandasynyń veloshabandozy Vınchentso Nıbalı «Djıro d'Italııa» kópkúndiginiń «koroldik» kezeńinde jenimpaz atandy, dep habarlady Vesti.kz.
Nıbalı qashyqtyqtyń sońǵy shaqyrymdarynda taýǵa qaraı qýatty sekiris jasap, jeńiske jetti. Sóıtip básekelester «Astana» kóshbasshysynyń shańyn qaýyp qaldy. Oǵan jarys jolyndaǵy qar da bóget bola almady. 20-shy kezeńdi kolýmbııalyq Fabıo Dýarte Nıbalıden 17 sekýndten keıin aıaqtady, kúshtilerdiń úshtigin taǵy bir kolýmbııalyq Rıgoberto Ýran tuıyqtady. Qazaqstandyq komandanyń taǵy bir shabandozy Fabıo Arý altynshy oryndy ıelendi.
Bul jeńis jarystyń bas jikteliminde Nıbalıdiń birinshi oryndy ıelenýine kepildik berdi. Óıtkeni 26 mamyrda ótetin sprınterlik kezeń jalpy eseptegi kúshterdiń arasalmaǵyna yqpal ete almaıdy.
