«Astana» veloshabandozy «La Tropicale Amissa Bongo» kópkúndiginiń úzdik úshtiginde
ALMATY. 30 sáýir. QazAqparat - Keshe Gabon elinde velosporttan «La Tropicale Amissa Bongo» kópkúndigi aıaqtaldy.
Aqtyq 5-týrda máre syzyǵyn birinshi bolyp kesip ótken Frantsııanyń «Evrokap» komandasynyń sportshysy Iohan Gene negizgi jiktelimde segizinshi oryn aldy. Ekinshi bolyp kelgen «Astana» komandasynyń sportshysy Rýslan Tileýbaev - jetinshi, úshinshi bolǵan Erıterııa ulttyq quramasynyń shabandozy Frıgalsı Abrha - altynshy oryndy qanaǵat tutty.
Al onynshy oryn alǵan Iohan Geneniń otandasy Antonı Sharteý 12:40:43 sekýndtyq ýaqyt kórsetkishimen jeńimpaz atandy. Odan 8 sekýnd qalyp qoıǵan Erıterııanyń «MTN-Qhubeka» komandasynyń shabandozy Meran Rýssan - ekinshi, al kóshbasshydan 15 sekýnd keshikken Qazaqstannyń «Astana» komandasynyń júırigi Nıkıta Ómirbekov úzdik úshtikti túıindedi.
