«Astana» veloshabandozy Qazaqstan chempıony boldy
ASTANA. QazAqparat - Almatyda tasjoldaǵy velosporttan Qazaqstan chempıonaty aıaqtaldy, dep habarlaıdy «SPORTINFORM» SAAQazaqstannyń velosport federatsııasyna silteme jasap.
Toptyq jarystyń altyn medali «Astana Pro Team» komandasynyń múshesi Alekseı Lýtsenkoǵa buıyrdy. Ol ekinshi aınalymda-aq shabýylǵa shyǵyp, márege deıin kóshbasshy bolyp otyrdy. Jarys ýaqyty - 4 saǵat 11 sekýnd.
«Astana» komandasynyń taǵy bir múshesi Nıkıta Stalnov Lýtsenkodan 15 sekýnd artta qalyp, ekinshi oryndy ıelendi. Al úshinshi orynǵa lıderden 1 mınýt 31 sekýnd keshikken Artem Zaharov turaqtady.
Eske salaıyq, velosporttan Qazaqstan Respýblıkasynyń Ulttyq birinshiligi 26 maýsym kúni bastalǵan bolatyn. Oǵan «Astana» komandasynyń sportshylary túgeldeı qatysty. Olardyń qatarynda Alekseı Lýtsenko, Jandos Bıjigitov, Andreı Zeıts, Bahtııar Qojataev, Danııl Fomınyh, Nıkıta Stalnov, Rýslan Tileýbaev, Artem Zaharov jáne Evgenıı Gıdıch pen ulttyq quramanyń ózge de músheleri boldy.
Jarys barysynda erler men áıelder arasyndaǵy jekeleı synda chempıondar anyqtaldy. Sondaı-aq komandalyq jáne juptasyp komandalyq jarysýdan, toptyq jarystan jeńimpazdar men júldegerlerdiń esimi belgili boldy.
