«Astana» veloshabandozy Ispanııa kópkúndiginiń kezeńinde 2-oryn aldy
MADRID. QazAqparat - «Astana Pro Team» komandasynyń ıspanııalyq veloshabandozy Omar Fraıle «Výelta Ispanııa» kópkúndiginiń jetinshi kezeńinde ekinshi oryn aldy, dep habarlaıdy QazAqparat.
Kezeńniń jalpy uzyndyǵy 159,7 shaqyrymdy qurady. Márege birinshi bolyp 3 saǵat 48 mınýt 16 sekýndta «EF Pro Cycling» komandasynyń múshesi, kanadalyq Maıkl Výds jetti. «Astana Pro Team» veloshabandozy Omar Fraıle odan tórt sekýndqa qalyp qoıyp, ekinshi keldi. Úshinshi orynda - «Movistar Team» múshesi Alehandro Valverde.
Jalpy esepte burynǵysha, «INEOS Grenadiers» komandasynyń sportshysy, ekvadorlyq Rıchard Karapas kósh bastap tur.
Eske salsaq, «Výelta Ispanııa» kópkúndiginiń altynshy kezeńin «Astana Pro Team»-niń ıspanııalyq múshesi Ion Isagırre jeńip alǵan bolatyn.
20 qazanda bastalǵan Ispanııa velokópkúndigi 8 qarashada aıaqtalady.
1985 jyldan beri alǵash ret jarys 21 kezeńge bólinbeıdi.
Koronavırýs pandemııasyna baılanysty ol 18 kezeńnen turatyn bolady.
