«Astana» veloshabandozy Franchesko Gavatstsı «Romandııa týrynda» márege ekinshi keldi
ASTANA. 28 sáýir. QazAqparat - Shveıtsarııa jerinde álemdegi eń úzdik shabandozdardyń basyn qosqan «Romandııa týry» atty kópkúndik velojarys jalǵasýda.
3-kezeńniń jarys joly 181 shaqyrymǵa sozyldy. Dodaǵa qatysqan 170 sportshy arasynan «Astana» komandasynyń ókili Franchesko Gavatstsı márege 2-shi bolyp jetti. Italıan legıoneri «Omega» komandasyndaǵy Djannı Mersmanǵa ǵana jol berdi. Al úzdik úshtikti jergilikti «Orıka» komandasynyń sportshysy Mıhael Albasını túıindedi. Aıta keteıik, osynyń aldyndaǵy kezeńde qazaqstandyq klýb sportshysy Enrıko Gasparotto da márege ekinshi kelgen bolatyn.
