«Astana» veloshabandozy Fabıo Arý Giro d'Italia 3-kezeńiniń nátıjesi boıynsha aq jeıdege ıe boldy
RIM. 7 mamyr. QazAqparat - Astana Pro Team komandasynyń veloshabandozy Fabıo Arý Giro d'Italia tas jolyndaǵy kópkúndik jarystyń úshinshi kezeńiniń nátıjesi boıynsha «Malıa blankanyń» - eń úzdik jas veloshabandozdyń aq maıkasyn ıelendi.
Bul týraly Astana Pro Team-niń baspasóz qyzmetinen málim etti.
F.Arý Sorrento men Asheaǵa deıingi 222 shaqyrymdyq kezeńniń taýǵa fınaldyq kóterilisinde jarys kóshbasshylarynyń qatarynda boldy. Ol sońǵy 40 shaqyrymda komandalas dostarymen birge jumys istedi, nátıjesinde kapıtan úshin top aldynda azdaǵan basymdyqqa jáne ózi úshin aq maıkaǵa qol jetkizdi.
Astana Pro Team-niń sport dırektory Aleksandr Sheferdiń aıtýynsha, Arý - álemdegi eń úzdik jas veloshabandozdardyń biri.
