«Astana» veloshabandozy «Avstrııa týry» ekinshi kezeńiniń jeńimpazy boldy
ASTANA. 2 shilde. QazAqparat - Qazaqstandyq «Astana» velokomandasynyń shabandozy belgııalyq Kevın Seldraıers «Avstrııa týry» ekinshi kezeńiniń jeńimpazy atandy.
Bul týraly Vesti.kz jazyp otyr.
157,4 shaqyrymdy 4 saǵat 17 mınýt 15 sekýndtta baǵyndyrǵan Seldraıers óziniń komandalas áriptesteri - qazaqstandyq Aleksandr Dıachenkodan 5 sekýndqa, ıtalıandyq Fabıo Arýdan 14 sekýndqa basym tústi.
Jarystyń eki kezeńindegi jalpy esep boıynsha Dıachenkony 43 sekýndqa ozǵan Seldraıers kósh bastap keledi. Úshtikti 59 sekýndqa artta qalǵan avstrııalyq Rıkkardo Tsoıdl túıindeıdi.
Segiz kezeńnen turatyn «Avstrııa týry» Insbrýk qalasynda 30 maýsym kúni bastalyp, 7 shilde kúni Venada márege jetedi dep kútilýde.
