«Astana» veloshabandozy «Ábý-Dabı» týrynyń kezeńinde jeńiske jetti
ASTANA. QazAqparat - «Astana» komandasynyń veloshabandozy ıspandyq Tanel Kangert «Ábý-Dabı» týryndaǵy taýly kezeńde jeńiske jetti, dep habarlaıdy QazAqparat.
Búgin týrdyń úshinshi kezeńi ótti - bul El-Aın - Djebel-Hafıt aralyǵyndaǵy 150 shaqyrymdyq jol. «Astana» komandasynyń múshesi Tanel Kangert márege birinshi bolyp jetti. Irlandyq Nıkolas Roch 17 sekýndqa qalyp, ekinshi keldi. Erıtreıalyq Mekseb Debesaı máre syzyǵyn jarty mınýt ótkennen keıin kesip, úshinshi orynǵa turaqtady. Al «Astana» komandasynyń taǵy bir ókili Vınchentso Nıbalı altynshy bolyp keldi.
Eske salaıyq, «Ábý-Dabı» týry velojarysy 21 qazan kúni bastaldy.Barlyǵy 555 shaqyrymdy quraıtyn kópkúndik velojarys 4 kezeńnen turady. Onyń negizgi bólikteri demalys kúnderine josparlanǵan.
«Astana» komandasynyń qatysýshylary Vınchentso Nıbalı, Valerıo Anolı, Andrea Gýardını, ıAkob Fýlsang, Tanel Kangert jáne Gatıs Smýkýlıs. Aıta keteıik, Vınchentso Nıbalı «Astana Pro Tım» qazaqstandyq klýby úshin sońǵy ret óner kórsetýde.
«Ábý-Dabı týry».Úshinshi kezeń.
El-Aın - Djebel-Hafıt. 150 km
1. Tanel Kangert (Estonııa, «Astana») - 3:31:31
2. Nıkolas Roch (Irlandııa, «Sky») - +0:17
3. Mekseb Debesaı (Erıtreıa, «Dimension Data») - +0:33
Jalpy esep:
1. Tanel Kangert (Estonııa, «Astana») - 9:19:44
2. Nıkolas Roch (Irlandııa, «Sky») - +0:21
3. Dıego Ýlıssı (Italııa, «Lampre-Merida») - +0:43.
