«Astana» velokomandasynyń kapıtany «Týr de Frans» kópkúndiginiń jeńimpazy atandy
ASTANA. QazAqparat - Búgin Parıjdiń Elıseı alańynda «Týr de Frans» sýperkópkúndiginiń sońǵy kezeńi aıaqtaldy. Evry / Paris Champs-Elysees aralyǵynda ótken 137,5 shaqyrymdyq kezeńde Marsel Kıttel jeńimpaz atandy.
Al jalpy esepte qarsylas shaq keltirmegen «Astana» klýbynyń kapıtany Vınchentso Nıbalı grand-týrdyń bas júldesin enshiledi. Komandalyq esepte qazaqstandyq «Astana» komandasy 6-orynǵa ıe boldy. V.Nıbalı veloshosse sportynda 3 grand-týrdy jeńip alǵan tarıhtaǵy 6-sportshy ekenin atap óteıik. Ol 2010 jyly «Výelta» kópkúndigin jeńip, aıdy aspanǵa shyǵarsa, 2013 jyly «Astana» sapynda júrip, «Djıro D'Italııa» jarysynda úzdik atandy. Endi mine «Týr de Fransty» baǵyndyrdy. Ekinshi orynǵa Nıbalıdan + 07' 52 mınýtqa qalyp qoıǵan frantsııalyq sportshy AG2R klýbynyń ókili Jan-Krıstoff Pero taban tiredi. Úzdik úshtikti taǵy bir frantsýz Tıbo Pıno (FDJ klýby) túıindedi. 1. ITA NIBALI Vincenzo 41 ASTANA PRO TEAM 88h 23' 08'' 2. FRA PÉRAUD Jean-Christophe 81 AG2R LA MONDIALE 88h 31' 00'' + 07' 52'' 3. FRA PINOT Thibaut 127 FDJ.FR 88h 31' 32'' + 08' 24'' 4. ESP VALVERDE BELMONTE Alejandro 11 MOVISTAR TEAM 88h 33' 03'' + 09' 55'' 5. USA VAN GARDEREN Tejay 141 BMC RACING TEAM 88h 34' 52'' + 11' 44'' 6. FRA BARDET Romain 82 AG2R LA MONDIALE 88h 34' 54'' + 11' 46''
